Владимир Аптулаев - АСФУУ-н вуйлатышыже

Кодшо арняште Марий кугыжаныш университетыште (Йошкар-Ола) Финн-угор студент-влакын икымше тӱнямбал форумышт эртен.

Тунам "Развитие студенческих сообществ в современных условиях" теме дене шанче-практик конференций лийын. Ты кышкарыште вич секций пашам ыштен. Вара пленар погынымаште эн сай доклад-влакым палемденыт. Тиде - Артем Малинин (ИФ УдГУ), Михаил Ратников (ИООиИС МарГУ), Кирилл Комаров (МордГУ им. Н.П.Огарева), Елена Козырева (ИПП МарГУ).

Чылаштымат сеҥымаш дене МарГУ-н ректоржын пашажым шуктышо Михаил Швецов саламлен да диплом ден пöлекым кучыктен.

Форум годымак Финн-угор университет-влакын ассоциацийыштын погынымашыже эртен - "Финно-угорский компонент в воспитательной системе вуза" теме дене мутланеныт.

Финн-угор университетлаште тунемше студент-влакын ассоциацийыштым ыштыме шотышто учредительный собраний лийын, кушто АСФУУ-н Уставшым пеҥдемденыт да вуйлатышым сайленыт. Тиде сомылым МарГУ-н ИФУ-штыжо тунемше Владимир Аптулаевлан ÿшанен пуэныт.