Поро кумыл акций - Шке надыретым пыштен кертат

Пагалыме йолташ-влак!

Лӱмлӧ поэт Валентин Колумблан шочмо Пумыр ялыштыже (Морко район, Марий Эл) калык вий дене чапкӱм шогалташ надырым погат. Колумбын сылнымутшым йӧратыше, поро кумылан-влакым ушнаш ӱжына! Шке надырдам поро пашашке пыштыза!!! Кумылда лекте? Возыза: mari-arslan@mail.ru. Йыҥгыртыза: 8-961-334-33-91 (Вячеслав Валентинович Александров).

Марий Элын уста эргыже Валентин Колумбын илыш корныжо, поян усталык шондыкшо нерген шымлызе, критик-влак шке жапыштыже шуко возеныт да кызытат возат.

Кажне ийын «Колумб лудмаш» сылнымут пайремым эртарат.

2005 ийыште Валентин Колумбын шочмыжлан 70 ий темме лӱмеш пайремым шочмо Пумыр ялыштыже эртарышт. Пайремым почмо годым Пумыр ялыште чапкӱм шогалтыме нерген ойлышт. Вержымат ойырышт, мондаш огыл манын чапкӱ шогышаш олмышко кӱм пыштышт, но ала-мо шот дене чыла мондалте. Лачак кӱжӧ веле чапкӱм вучен кия.

2011 ийыште Пумыр ялын пайремжым эртарышт. Чапкӱм шогалтыме нергенат йодыш угыч тарваныш. Тыге ял калык, поэтын родо-тукымжо, пошкудыжо шӱкалтышым ышташ надырым погаш тӱҥальыч. Тиде куштылго огыл сомылым Пумыр ялын эргыжак, кызыт Йошкар-Олаште илыше Вячеслав Александровлан ӱшанен пуышт.

2015 ийыште Валентин Колумбын шочмыжлан 80 ий темеш. Палемдыме почеш, тиде ийын майыште поэтлан Пумырышто чапкӱм почаш шонат.

Шке надырдам поро пашашке пыштыза!!! Кумылда лекте?
Возыза: mari-arslan@mail.ru.
Йыҥгыртыза: 8-961-334-33-91(Вячеслав Валентинович Александров).

ТАУ!!!

"Марий Эл" газетыште (30 апрель, 2013 ий) тыгай статья лектына -