«Воштылаш, товатат, сулык огыл»

«Воштылаш, товатат, сулык огыл» мыскара фестиваль 2013 ий 31 мартыште Йошкар-Олаште ынде колымшо гана эртен. Ты гана икымше верыш Морко район Изи Кушна ялын коллективше «Морко-Москва-Сочи» номерже дене лектын.

Кокымшо верым Марианна ден Александр Сильвестровмыт суленыт, кумшым «Кугарня» газетын самырык журналистше-влак налыныт.

Чылаже фестивальыште 15 участник лийын. Палемдыман: тидлан ончыч выступатлыдыме верла гычат толыныт да мастарлыкышт дене калыкым куандареныт. Мутлан, Звенигово район Красногорский школ гыч Анна Захарова.

Участник-влак тачысе пагытлан келшыше теме-шамычым нӧлталыныт. Тиде – ӧрдыж кундемлашке пашам ышташ коштмаш, тыште поснак ӱдырамаш-влакым почын пуэныт. Корно укелык йодышымат туран тарватеныт, Сочисе олмиадылан ямдылалтме нерген ойлаш да ончыкташ монден огытыл. Икманаш, режиссура шижалтын, номер-влак чынже денак оҥай лийыныт.

А сеҥыше-влак окса премий дене палемдалтыныт.

Тыгай конкурс икымше гана 1994 ийыште кок кече – 1 да 2 апрельыште – М.Шкетан лӱмеш театрыште лийын. Тунам тудым «Кугарня» ден «У вий» мер ушем эртареныт.

Автор: Эльвира Куклина.

• «Воштылаш, товатат, сулык огыл!» -
  Смеяться, право, не грешно!»