Марий Оньыжа: Марий тиштына вияҥашна полша

Пагалыме марий калык!

1990-ше ийла годсек кажне ийын 10 декабрьыште пӱтынь шемер калык Марий тиште кечым палемда. Тидым шотыш налын, Мер Каҥаш лӱм дене уло кумылын чыландамат калыкнан тиштыж дене кылдалтше волгыдо пайрем дене саламлем!

Марий калыкын тиштыже 1775 ийыште веле шочын манын официальный кагазлаште шотлалтеш гынат, тамга семын марий возыктыш ятыр курым ожнак кумдан шарлен. Шанчыеҥ-влакын пытартыш шымлымашышт почеш, тудын дене кугезына-влак эше 10-шо курымыштак пайдаланеныт. Тидлан ме акрет марий калыклан мланде марте вуйнам савена.

Марий тиштым аралымына да вияҥдымына, йымыжа шочмо йылмына дене лывыргын мутланен, кугезе йӱлам шуктен толмына мыланна ончыкыжо вияҥаш куатым пуэн шога. Тидым ме эре шарнена да марий улмына дене кугешнена.

Пагалыме марий-влак! Таче мый чыландамат уло кумылын тиде марий пайрем дене саламлем. Ончыкыжымат шке калыкнам пагалаш, марий тиштым да шочмо йылмынам аклаш ӱжам. Чылаландат пеҥгыде тазалыкым, кужу ÿмырым, вашла пагалымашым да пиалым тыланем.

Марий Оньыжа Анатолий Иванов.