Ме чыланат палена, руш ден кызытсе Марий Эл кумдыкышто илыше марий-влак 16-шо курым годсек пырля улыт. А Ростов, Владимир, Угарман, Галич, Кострома кундемыште илыше марий-влак 9-11 курым годсекак пырля илат.

Тыгодым кугезына-шамыч виянрак руш калыкын йылмыжымат, йÿлажымат тунемаш тÿалыныт, варажым эсмаса тукым гыч тукымыш нуно рушыш савырнен толыныт. Икманаш, ончычсо Владимирский Русь кумдыкышто ассимиляций процесс чот каен.

Мо оҥайже, саде кундемыште (касвел марий-влакын кугезе мландыже) славян ден рус тукым гыч лекше-влак шагалын лийыныт. Туге гынат марий да моло финн-угор калык-влак нунын йылмыштым тунемыныт. Вет кеч-могай империйыште але шуко калыкым иктыш чумырыман кугыжанышыште ик тÿҥ йылме лийшаш. Лач тиде амаллан кöра ончычсо марийжат, карелжат, вепсшат, эрзя ден мокшажат эркын-эркын рушыш савырнаш тÿҥалыныт. Илен лекшаш верч мом гына от ыште!

Автор: Александр Петров, марий историк, философ.

Вес гана «Шымлымаш чылаштым öрыктарен»
теме дене палдарена.

• Ме марий улына: Эртыме корнына лугалтын,
  но ме чыным палышаш улына!