6 октябрьыште марий сылнымутлан негызым пыштыше
писатель, драматург Сергей ЧАВАЙНЫН шочмыжлан - 125 ий.

• Колумб лудмаш Чавайнлан пӧлеклалтын
• Питерыште Чавайнын 125 ияш лӱмгечыжым палемдышт (рушла)
• Чавайн нерген "Марий сандалык - Марийский мир" журналыште
• 6 октябрь: Таче Чавайн пайрем
• Чавайн лӱмеш конференций
• "Чоткар патыр" книга лектын (видео)

6 октябрьыште марий классик Сергей Григорьевич Чавайнын шочмыжлан 125 ий темеш. Писатель 1888 ий 6 октябрьыште Морко район Изи Корамас ялыште шочын, тудым 1937 ий 11 ноябрьыште лӱен пуштыныт. Марий сылнымут мастар моткоч шуко да тӱрлӧ сынан произведенийым возен коден. Ик эн палымыже - "Ото" почеламут.. Тыгак - "Элнет" роман, "Мӱкш отар", "Акпатыр" драме-влак да молат. Тений Марий Элыште ятыр мероприятий ты лӱмгечылан пӧлеклалтын.

Теве 28 июньышто Морко посёлкышто "Литературно-культурное наследие С.Г.Чавайна" тӱнямбал шанче-практик конференций лиеш.

Октябрьыште ятыр оҥай мероприятий вуча. Морко районыштак куржталмаш дене спорт таҥасымаш марий сылнымут классикын лӱмгечыжланак пӧлеклалтеш, школышто тунемше-влак коклаште республик кӱкшытан поэзий конкурс эрта. Йошкар-Олаште - "Обновление содержания литературного образования в школе" регион-влак кокласе шанче-практик конференций, пайрем концерт, Национальный драматургий фестиваль.

С.Г.Чавайн лӱмеш почмо литературно-этнографический комплексым (Морко район, Коркатово), писатель дене кылдалтше моло верым уэмдат, саемдат, ачалат. Иьюнышто Морко район Арын школышто мемориальный оҥам почыт, Йошкар-Олаште верланыше С.Г.Чавайн лӱмеш национальный библиотеке ончылно писательын бюстшым вашталтат.

Республикысе туризм шотышто комитет Чавайн дене кылдалтше посна маршрутым ончыкшым экскурсийым эртараш ышта.

Тыгак "калык верч тыршымаш" лӱмгече медаль ямдылалтеш. "Чоткар патыр. Сергей Чавайн: палыме да палыдыме" книга савыкталтшаш, салнымут мастарын произведенийже-влакым электронный коллекцийыш чумырат да молат.

Ото

Ик тымык ото уло мемнан элыште,
Шога тудо ото кугу ер серыште.
Тушто ладыра деч ладыра пушеҥге кушкеш.
Тушто мотор деч мотор саска шочеш.
Тушто, ужар лышташ лоҥгаште, шӱшпык мура,
Тушто ото гыч ерышке яндар памаш йога.
Тушто шудыжат ужаргырак,
Тушто пеледышыжат сылнырак.
Тудо отым мый йӧратем,
Тушто пушеҥге руышым мый вурсем.

Информацийым тыштат налаш лиеш: http://mincult12.ru/node/1790