Конкурс: «Икымше туныктышем»

Вход на сайт

Школ кудывечысе шыма куэрым,
Коржын чон дене, шым пале кенета.
Пагыт вашталта айдемым, верым,
Нарашта куэм…

Тыге воза «Тау шомак гае» почеламутыштыжо поэтесса Альбертина Иванова. Да, тӱнӧ шыже, у тунемме ий тӱҥалын. Вашке, а чынрак каласаш гын, 5 октябрьыште (рушарня) эше ик пайрем окнашкына тӱкалта - Туныктышын кечыже лишемеш.

124161_900-.jpg

Туныктышын кечыж вашеш «Арслан» этнокультур интернет-журнал у конкурсым увертара. Тудо «Икымше туныктышем» маналтеш. 5 октябрь марте шкендан икымше туныктышыда нерген «Арслан» журнал редакцийыш возен колтыза, пелен фотом пышташ ида мондо. Тыгодым фото оҥай, мотор лийшаш, текстымат сылнештарыман.

Тыгак шке йӧратыме туныктышо нергенат возаш лиеш.

Тендан туныктышыда нерген «Арслан» журналыште печатлена, эн ойыртемалтше пашам колтышо еҥым пӧлек-влак вучат!

Серышдам тыгай электрон почто дене вучена: mari-arslan@mail.ru. Лекше йодышым рашемдаш телефон: 8-917-703-66-24.

Серыш пелен эше изирак анкетым колтыман!
- ФИО
- Шочмо жап, идалык
- Тунемме але пашам ыштыме вер
- Телефон, электрон почто.

Классыш кече гае пуренда,
Эн йолко полмезылан, эсогыл,
Чоныш пурышо шомакым муында.
Эн тора яллашке корно – лишыл:
Йӧратенна тиде жапым ме!
Почылтын «артист-влаклан» вет илыш
Корно кужытышто ойым рончымек.
Почылтын шомакыште, шинчаште,
Южгунам шып лийме татыштат;
Нӧргӧ-влакым ужатен лукмаште.
Кид рӱзен ончен шогымаштат…
«…Туныктышо!» - ак моткочак шергын
Ик шофёрын йӱкыштӧ йоҥген,
Вер укеште, молым шыгыремдыл.
Муо верым Тыланда. (А.Иванова. «Тау шомак гае»).

Пагален, «Арслан» этнокультур интернет-журнал.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.