«Саскавий» ушем деч чай рецепт-влак

Таза лийнеда? Кап-кылыште куштылгылыкым да вий-куатым шижнеда? Суткаште 8-9 шагат деч шагал огыл да ласкан малыза, витаминан кочкышым, тыгак пӱкшым, теҥыз ковыштам, колым кочса. А чайым лач шудо гыч ыштен йÿза.

Ираида Степанован нугыдо чайже: куэ юнгыр (чаге), коштымо полан, коштымо шуанвондо саска, пӱтньык (мята), ик совла мӱй кок-кум литран термослан. Куэ юҥгыр, тӱҥ шотышто, осал чер деч аралаш полша, иммунитетым пеҥгыдемда, вуйышто вӱрым сайын кошташ тарата. Пӱтньык вуй корштымо да мигрень, шӱм чер деч арала, мален кертдыме годым сай. Коштымо полан вӱр йогымым чарен шогалтен кертеш, нервым лыпландара, давлений дечат полша. Шуанвондо мокш, шолора черым эмла. А мӱйыште чыла витамин уло.

Зинаида Александрован чайже: тархун да шолтымо вӱд. Черын шарлымыж деч арала, ӱдырамашын шке шумо пагытшын радамжым шекланаш полша, рвезе-влакланат йӱаш пайдале.

Маргарита Тойшева деч кочо чай: матрушка але вӱршудо (зверобой), кӱренвуй (душица), тысячелистник, апашудо. Тиде чайым монча ӱмбачын чот йӱмӧ шумо годым подылаш сай.

Надежда Казанцева деч каҥгештарыше чай: стевия да шолтымо вӱд. Моткоч тамле таман, тудым диабет чер дене орланыше-влакат йӱын кертыт.

Марий да моло калык кочкыш >>>

#МариАрслан #Кидмастар #НКО #ИНТЕЛЛЕКТУАЛ #Рукодельница #Мастернавсеруки
#ЦентрРазвитияГармонии #ИлышКуан #РадостьЖизни #РесурсныйЦентр
#МарийЭл #ЙошкарОла