Марий Элыште Талешке кечым палемдат

Вход на сайт

26 апрель XVI курымышто илыше да шке калыкше верч шогышо тале да патыр Полтыш онын шочмо кундемжын эрыкше верч кучедалмаште колымыж дене кылдалтын. Тиде кечым Марий талешке кече семын официально 1990 ий гыч палемдат, но пайрем 1917 ийыштак шочын.

Теният пайрем "Шарнымаш сорта" акций дене тӱҥалын. Теве Шернур землячествын да "Саскавий" марий ӱдырамаш ушемын еҥже-влак Йошкар-Оласе кӱртньыгорно вокзалыште поэт, киноактёр Йыван Кырла лӱмеш шогалтыме памятник воктене вашлийыныт. Нунын деке коми туныктышо-влак ушненыт. Палемдыман: коми туныктышо-влакым "Марий туныктышо" мер организаций унала ӱжын...

Акций моло памятник воктенат эртен. Марий еҥ-влак сортам чӱктеныт, илыш гыч кайыше Талешке-влакым уштеныт. Кечывал деч вара кумылан-влак Оршанке районышко Мамич Бердейлан пыштыме кӱ воктеке вашкат.

Шарнымаш сортам 9 май йотке чӱкташ лиеш, вет акций лач тынар жап шуйна.

А 26 апрельыште эше ятыр мероприятий эрта. Икмынярже дене тыште палыме лийын кертыда - Марла календарь: Марий талешке кечын мо лиеш?.

IMG_1643-.jpg

IMG_1623-.jpg

IMG_1628-.jpg

IMG_1635-.jpg

IMG_1662--.jpg

Mari
Tags: 
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.