Марла календарь - Марий талешке кечын мо лиеш?

Вход на сайт

26 апрельыште марий калык Талешке кечым палемда. Тиде кече XVI курымышто илыше да шке калыкше верч шогышо тале да патыр Полтыш онын шочмо кундемжын эрыкше верч кучедалмаште колымыж дене кылдалтын.

Марий талешке кечым официально 1990 ий гыч палемдат, но пайрем 1917 ийыштак шочын.

Тений тиде кечын мо лиеш?

- Йӱлашке пурышо «Шарнымаш сорта» акций Марий Эл мучко да икмыняр моло кундемлаште эрта. Марий талешке-влакын чапкӱшт, шарнымаш оҥашт воктене чолга марий еҥ-влак чумыргат, сортам чӱктат. Мутлан, «Саскавий» ушемын еҥже-влак Йыван Кырлан памятникше (Йошкар-Ола, кӱртньыгорно вокзал) воктеке лектыт.

- Самырыктукым флешмобым эртара. Йошкар-Оласе Никонов лӱмеш площадьыште 19 шагатлан вашлийыт.

- Кугу конкурс Параньга районышто гӱжла.Тушто районын кажне гаяк ял шотан илемже гыч самырык-шамыч шке мастарлыкыштым ончыктат.

- Йошкар-Олаште Ленин лӱмеш тӱвыра полатыште 18 шагатат 30 минутлан «Талешкын корныжо» кугу концерт лиеш. Тунам кумылан-влак шке велыштышт шочын-кушшо да чапланыше еҥ-влакым саламлен кертыт.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.