Кастинг – Ау, марий ӱдыр-влак, кушто улыда???

Вход на сайт

20 апрельыште Йошкар-Олаште «Ял ӱмбалне мужыр йӱксӧ» марий киношто сниматлалташ актёр-влакым ойыреныт. Кастингыш профессионал артист-шамычат, артистлан тунемше-влакат, тыглай кумалан-шамычат толыныт.

Кугурак ийготан рольышко профессионал актёр-влак логалыныт гын, самырык-шамычым модаш артист шӱлышан, мурен-куштен тунемше еҥ-влак тӱҥалыт. Ты шотышто эше йодышым тӱрыс рашемдыме огыл. Рвезе-влак дене раш гай чучеш: ик рольыш кок еҥым палемдыме, но мучашлан садак иктыже кодшаш. А вот ӱдыр-влак шотышто… Тыгак манме шуэш: «АУ, МАРИЙ ӰДЫР-ВЛАК, КУШТО УЛЫДА???»

«Марикино» студий «Ял ӱмбалне мужыр йӱксӧ» киношто Аня ден Зинан рольыштым модаш марий ӱдыр-влакым КЫЧАЛЕШ!!! Вашкыза!!!

Мотор, чолга, марий кумылан ӱдыр-влакым вучат: 28 апрельыште (рушарня) 10 шагатлан Руш драме театрын репетиций залыштыже – служебный омса гыч пурыман, 4-ше пачаш, 401-ше пӧлем.

Лекше йодышым тыгай телефон дене рашемдаш лиеш: 8-917-710-44-94, 8-927-871-56-53, 8-917-703-66-24.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.