«Муро-2013» CD-диск ужалымаште уло

Ош тӱням «Муро-2013» CD-диск ужын. Тушто Республикысе марий тӱвыра рӱдер пеленсе «У муро» марий эстраде студийыш коштшо самырык мурызо-влакын да марий эстраде шӱдыр-шамычын мурымыштым колышташ лиеш.

Теве «У муро» студийын мурызыжо-влак: Виктория Тихинова, Аделина Батаева, Ирина Мамаева, «Чимарий» группо, Ольга Богачева, Кристина Семёнова, Татьяна Фоминых, Елена Порфирьева, Ольга Гордеева, Елена Николаева, Екатерина Шабдарова, Дмитрий Конаков ден Ксения Юркина, Татьяна Чендемерова, Людмила Викторова. Нунын пашашт дене Марий интернет радиоштат палыме лийын кертыда.

Тыгак у дискыш 10 бард-муро пурен. Нуным «У муро» студийым вуйлатыше, бард Геннадий Григорьев йоҥгалтара.

CD-дискым «Кугарня» газет редакций луктын. Тудым Россий Почтын район ден олаласе чыла пӧлкаштыже налаш лиеш.

Налме вер: http://mari-centr.ru.