Юмыйӱла - "Кӱсото - Святая роща" книга - сай пӧлек

Вход на сайт

2012 ийыште Марий калыкын IX погынжо вашеш сылне да поян книга ош тӱням ужын. Тиде – марий юмыйӱла нерген Ираида Степанован «Кӱсото – Святая роща» книгаже.

41404_600-.jpg

Марла да рушла савыктыме книгашке лӱмлӧ шымлызе-влакын статьяшт пуреныт. Мутлан, Никандр Поповын - «Кӱсото – национальный символ мари», Галина Шкалинан – «Священная роща – ось марийского мира».

Книгам 150 наре сылне да илыш нерген каласкалыше фотосӱрет-влак сӧрастареныт. Тӱҥ шотышто, Михаил Скобелевын пашаже-шамыч.
Чолга мерпашаеҥ, амалкалче, тӱрлызӧ И.Степанова юмӱлам радамлен пуэн. Тыште чимарий йӱла нерген тӱрыс почын пуымо, кумалмашын ойыртемже нерген ойлен кодымо, Онаеҥ-влак, Марий Элысо кӱсото-шамыч нерген информаций уло.

«Кӱсото» книгам марий юмыйӱла нерген ик эн поян савыктышлан шотлаш лиеш. Тудым лукташ Родо-тукым калык программе (Эстоний) гоч полшеныт, а кугурак ужашыжым Ираидалан шкаланже кычалаш логалын. Но тиде тӱҥжӧ огыл. Тӱҥжӧ, сай шонымашым илышыш шыҥдарыме, ме тиде книгам налын да лудын кертына. Весыланат сай пӧлек.

Книга «Эн сай» салонлаште ужалалтеш. Адрес: Йошкар-Ола, Ленин проспект, 24-в («Галерей» ужалыме рӱдер – 1-ше пачаш) да Ленин проспект, 17 (Кугу Какшан кӱвар воктене).

Тыгак серышым возен колташ лиеш: mari-arslan@mail.ru, ensaj@mail.ru. Йодышда лектеш, кумылда лиеш налаш – йыҥгыртенат кертыда: 8-906-334-24-80.

Книга нерген кумданрак тыштат лудаш лиеш - http://elvira-kuklina.livejournal.com.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.