Марла календарь - Кӧ улыт тачысе марий талешке-влак?

Вход на сайт

Марий талешке – тиде марий калыкын илышыжым ворандарымашке да чапландарымашке шке надыржым пыштыше еҥ. Тудо жапым, тачысе кечын йодмыжым шижын моштышаш, патриот кумылан лийшаш. Эше кызытсе пагытыште тыгай ен лидер улмыж дене ойыртемалтшаш. Шке пашаштыже, илышыштыже оза лийын моштышаш.

Марий талешке шочмо марий йылмыж дене мутланышаш, пашаж дене марий калыкын пеҥгыде койыш-шоктышыжым ончыктышаш, марий улмыж дене кугешнен, тукым гыч тукымыш ты шӱлышым шарышаш.

Таче тыгай радамышке эн ончыч мер пашам шуктен шогышо-влакым пуртыман. Тиде, эн ончыч, - тачысе мер организаций ден тӧрлӧ моло мер толкынын вуйлатышышт. Нуно, шӱм-чоныштым пуэн, шийвундо нерген шоныде, марий калык верч тыршат.

Улыт талешке-влак марий мурым, куштымашым, семым, тӱрыс тӱвырам, йӱлам чапландарыше-шамыч коклаште. Улыт нуно шинчымаш да журналистика аланыште, бизнесыште, кугыжаныш кучемыште да моло профессийлан ӱшанле еҥ радамыште. Ял озанлык нерген поснак каласыме шуэш. Тушто тачысе шкешотан саманыште тыршыше-шамыч историеш чын талешке семын «возалт» кодыт.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.