Алексеевын «Чоныштем мурсескем» киножо икымше гана ончыкталтеш

Вход на сайт


2018 ий 21 да 26 апрельыште Эстонийыште марий кинорежиссёр Алексей Алексеевын «Чоныштем мурсескем» лӱман киножо икымше гана ончыкталтеш. Икымше кечын кином 53-шо эстон кинофестивальыште да вес кечынже Таллиннысе Артис кинотеатрыште ончаш лиеш.

«Чоныштем мурсескем» кино Мари Талешке кечылан пöлеклалтын. Тудо икымше марий профессионал композитор Иван Степанович Ключников-Палантай нерген каласкала.

Тиде - марий-влак нерген 11-ше документальный фильм. Тудым Марий Эл Провой кундем Какшамарий ден Эсмекпляк велне войзымо. Иван Степанович Ключников-Палантайын илыш корныж нерген мурызо да семым возышо Любовь Орлова, композитор Иван Егоров, «Эреҥер» ансамбльым вуйлатыше Светлана Чернова каласкаленыт.

Кином сниматлыше «Олык сем» ансамбльым вуйлатыше Зинаида Куршаковалан, Людмила Бородиналан, чолга рвезе Василий Петровлан да Провой кундемысе калыклан кугу таум ышта.

Mari
Tags: 
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.