«КАВА ВОЛА КОПАШ» - у сылнымут книга презентаций
Вход на сайт
21 декабрьыште Йошкар-Олаште Раисия Сунгурован «Кава вола копаш» у сылнымут книгажын презентацийже лиеш.
Раисия Сунгурова - кок книган авторжо, шкешотан тӱняончалтышан самырык поэт, Марий Эл Республикысе Олык Ипай лӱмеш Кугыжаныш самырыктукым премийын лауреатше. Тудо пагалыме лудшыжо-влакым у лектыш дене куандараш вашка!
Темлыме книгаште ончыч савыкталтдыме да у лудыш-влакшым чумырымо. Тӱҥалтыштак ойыртемалтше самырык автор, посна ужаш дене, марий поэзийыште шагал кучылталтше жанрым висен ончаш темла, тиде — верлибр-влак, але вес семынже нуным «ош стих» маныт.
Савыктен лукмо книга, кӧргӧ келгытше, тӱсшӧ денат ойыртемалтеш. Авторын ончалтышыжым кызытсе жаплан келыштаралтше у саман финн-угор этнике стиль графике дене уста сӱретче Иван Богомолов сылнештарен. Поэзий касым тудын ямдылыме иллюстраций ончерже сӧрастара.
Книга презентаций теле тылзын 21-ше кечынже 18:00 шагатлан Йошкар-Олан историй тоштерыштыже (Вознесенский урем – 39) лиеш.
Пагален ӱжына!
#МариАрслан #мари #Поэзий #Нацполитика #Сылнымут_Поэзия
- Эльвира Куклина
- пн, 12/18/2017 - 13:34
