Армийыш ужатыме годым кумалтыш мут

Поро Ош Кугу Юмо, Тÿнямбал Кугу Юмо, Кугу шочынава, Мер кугу юмо, Кугу пÿрышö! Таче (лÿм дене ойлыман) эрге Элым аралаш армийышке кая. Службыжо волгалт шогыжо, тыныслын да ласкан эртыже. Тÿрлö-тÿрлö мер калык коклаште, йÿла ден йÿла, йылме ден йылме, тÿс ден тÿс коклаште поро каҥашым пуэн шого.

Кугу пÿрышыже, аралтыш-серлагышыже, арален шогыза: кугу тул деч, кугу вÿд деч, кугу мардеж деч, йот калыкын осал шинчаж деч, лавыра шомак деч, шокшо кÿртньö (пычал ÿзгар) деч, йÿштö кÿртньö (кузö-товар) деч. Кугыжаныш кучем сай да лишыл йолташым пу, «ача» кумылан командирым пу.

Юмо пÿрышö, сурт-печым кучаш, марий калыкым пукшен-йÿктен ончышаш пиал дене, еш погым кучышаш пиал дене, юмым кумалмаш пиал дене шочмо-кушмо сурт-печышкыже пöртылтен кондо.

Информацийым «Марий калыкын кечышотшо. 2017 ий» гыч налме.

• Традиции и обычаи
• Йӱла