Йочасадыште Сеҥымаш кече

Вход на сайт

Марий Эл Морко посёлкысо 1-ше номеран йочасадыште Сеҥымаш кечылан пӧлеклалтше пайрем эртен.

Тиде кечын йоча-влак почеламутым лудыныт. Нуно сарыште лийше герой-влак нерген ойленыт.

Сар огеш кӱл мыланна,
Тыныс илыш дене илена.
Кова-кочана чот тыршеныт,
Шочмо элым араленыт!

Тыгак «Зарнице» модыш лийын. Генерал – йочасадым вуйлатыше Людмила Пантелеевна Иванова. Тудо кок командылан «тиштым кычал муаш да штабыш пӧртылташ» приказым пуэн. Карте почеш посна маршрутым эрташ да тӱрлӧ таҥасымашым сеҥаш логалын. Тыгодым «Разведчики» команде утларак писе лийын.

Палемдыман, тиде йочадыште икшыве-влакым патриот шӱлышеш куштат, Шочмо Элым йӧраташ туныктат.

Автор: Инна Алексеева, йочасадын воспитательже.
#МариАрслан #СеҥымашКече #Морко #МарийЭл

CenumashKeshe_0.JPG

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.