Кӧ пала, ала лишыл жапыште у автор да у пьесе шочеш

Вход на сайт

Чӱчкыдын колаш логалеш, писатель, драматург-влак шагал улыт. Лач тиде шонымашым шотыш налын, М.Шкетан лӱмеш марий калык театр «Усталык лабораторийым» чумырен. 2017 ий 11 апрельыште черетан вашлиймаш эртыш. Тиде вашлиймашышын унаже РФ-ын сулло деятельже Сергей Ивнович Иванов лие.

Тыгак писатель Мария Илибаева, драматург-влак Валерий Григорьев ден Александр Петров, мутат уке, самырк-влак ушнышт.

Сергей Иванович Иванов пеш уста еҥ, садлан тудо пеш шуко кӱлешан ой-каҥашым пуыш. Толшо-влакым лӱдыкташ огыл, а возаш кумылаҥдымыже, полыш кидым шуялташ ямде улмыжак мом шога. Кызытсе жапыште могай темылан возаш, могай пӱсӧ йодышым рончаш, мо кызыт кӱлеш театрлан – чыла радам дене каласкалыш. Коеш, тиде вашлиймаш шукыштым, шонаш таратыш, ала-кӧжын возаш кумылжат шочо.

Тиде кас арам ынже лий, умбакыже саска кӱйжӧ манын, лишыл жапыште чыла тӱҥалше драматург-влак ик сӱретым возен кондышаш улыт. Возен кондымо пашам чылан чумырген лончылаш шинчыт. Кӧ пала, ала лишыл жапыште у пьесе шочеш.

Автор: Вероника Мустаева.
Фото Максим Алгайкинын.
#МариАрслан #театр #спектакль #культура
#искусство #сцена #артист #йошкарола #МарийЭл

zsG96WO7-yU.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.