Эре шÿмыштына улат!

Вход на сайт

Обдасола – Шернур районысо Марисола ял шотан поселенийыш пурышо изи гына ял. А кодшо курымышто тиде ялыште шочшо М.Шкетан лÿмеш театрын уста артистше Геннадий Васильев да Марий Элын сулло мурызыжо Василий Павлов тудым утыр сылнештареныт да кÿкшытыш нöлталыныт. Геннадий Васильев ила ыле гын, 2017 ий 4 апрельыште 55 ийым тема ыле.

Тыге Марисола школышто чапланыше еҥ-влакым порын шарнымаш кас эртен. Касым писатель, РФ образованийын почётан пашаеҥже, Шернур районысо Иван Бердинский, Шабдар Осып лÿмеш премий-влакын лауреатше Дина Рычкова вÿден.

Вашлиймашым тÿвыра пашаеҥ Юрий Соловьёв, Шернур районысо культур аланыште тыршыше Тамара Пакеева, школ директор Алевтина Максимова, поэтесса Зинаида Ермакова, верысе книгагудо пашаеҥ, Марисола да Шÿдымарий школышто тунемше-влак сöрастараш полшеныт. Тыгак шке мурышт дене Марий Эл культурын сулло пашаеҥже Вячеслав Дудин да мурызо Вениамин Семёнов куандареныт.

А шарнымаш-влак вÿд толкынла шарленыт, вет тиде касыш Геннадийын родо-тукымжо, пырля тунеммме йолташыже, туныктышыжо толыныт. Ял шотан Марисола илем администраций М.С.Максимов калык ончыко поро мут дене лектын.

Тиде шарнымаш кас калык ушеш да шÿмеш кужу жаплан кодеш манын ÿшаныме шуэш.

Автор: Валентина Скобелева, Марисола книгагудын пашаеҥже.
#МариАрслан #культура #искусство #артист #Шернур #МарийЭл

zsG96WO7-yU.jpg

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.