"Арслан" этнокультур интернет-журнал пелен
"МариОбъектив" пашам ышта.

• Ит ӧркане - лият эре сеҥыше!
  Ме пырля пашам ышташ ямде улына! (рушла)
• Блог гыч «Арслан» интернет-журнал марте
• Конкурс: Чолга да мотор ӱдыр верч йӱклена!

Эльвира Куклина - журналист, блоггер, "Арслан" интернет-журналын тӱҥ редакторже

Марий Эл Республикын Олык Ипай лӱмеш Кугыжаныш молодёжь премийын лауреатше (2010 ий), "Кадр резерв - элын профессионал командыже" Российысе проектын лауреатше (2010), "Марий Эл Республикын социально-экономический вияҥмашыжым эн сай каласкалыше" журналист конкурсын "Тӱвыра илыш нерген каласкалыше эн сай паша" номинацийыштыже Марий Эл Республикысе Правительство премийын лауреатше (2008).

"Марнетын шӱдыржӧ" сайт, блог коклаште республикысе икымше конкурсын "Эн сай автор блог (интернет-дневник)" номинацийыштыже сеҥыше (2012), Регион-влак кокласе блоггер-влакын «ЖЖизнь – это общение» конкурсышто «Верность традициям» номинацийыште сеҥыше (2013).
Марий Эл Кужэҥер кундем Агытан-Солаште шочын-кушкын, Марий кугыжаныш университетым тунем пытарен, ятыр ий «Кугарня» республикысе молодёжь газетыште тыршен. Шукерте огыл «Синергия» Тӱнямбал бизнес школым тунем пытарен, МВА дипломым налын.

Эл.почто: kuklina-10@mail.ru.
Тел. 8-917-703-66-24.
Блог: http://elvira-kuklina.livejournal.com

Андрей Кошаев - "Арслан" интернет-журналын корреспондентше

Волжский район Сотнур селаште шочын, Ярамарий ялыште кушкын. Пӧтъял школ деч вара Марий кугыжаныш университетын Финно-угроведений институтышкыжо (ИФУ) тунемаш пурен. Кызыт тушто шинчымаш пога.

Изинекак спорт дене кылым куча. Моткоч чолга рвезе, тӱрлӧ мероприятийыште эреак вийжым терга.Тыгак Родин Алексеевын вуйлатыме "Марий мурсем" ансамбльышкыже коштеш. ИФУ-што СМИ дене кылым кучышо еҥлан шотлалтеш. Шкежат статья, заметке-влакым марий газетлашке возен шога.

Людмила Карпова - "Арслан" интернет-журналын корресподентше

Морко район Шеҥше селаште шым шочшан ешыште шочын-кушкын. Шеҥше кыдалаш школ деч вара Марий кугыжаныш университетын Финно-угроведений институтшкыжо (ИФУ) толын да кызыт тушто шинчымашым пога.

Ӱдыр муренак шочын, очыни, вет изинекак муро деке шӱман кушкын. Тудын икымше зрительже да кумылаҥден шогышо еҥ семын шочмо аваже лийын.

Спортымат йӧрата, "Марий мурсем" ансамбльыш коштеш. "ВийАр" мер организацийын еҥже. ИФУ-што культурно-массовый секторым вуйлата.

Группы Этнокультурного интернет-журнал «Арслан» в социальных сетях:
вконтакте – http://vk.com/mari_arslan,
в фейсбуке - http://www.facebook.com/InternetZurnalArslan,
в твиттере - https://twitter.com/mari_arslan,
одноклассники - http://ok.ru/mariarslan.