Пагалыме туныктышо-влак! Шергакан тунемше-влак!

Шинчымаш кече дене шокшын-шокшын саламлем.

1 сентябрьыште иктышт йочасадыш каят, весышт парт коклашке шинчыт. Тыгодым тендан шонымашда – у шинчымашым налаш, уш-акылым вияҥдаш, койыш-шоктышым пойдараш. Тачысе илышыште шинчымаш моткоч шергакан. Тудым ме окса дене огыл висышаш, а пеҥгыде ончыкылык дене кылдышаш улына.

Туныктышо-влак, Тендан пашадам кӱкшын аклена. Ончычсо тунемше семын, а ынде ача лиймеке, Тендан ончылно вуем савем. Тек умбакыжат пашада ушнен толжо. Кумылда эре кӱшнӧ лийже.

Тыгак каласыме шуэш, тачысе школлаште марий йылмым, тӱвырам туныкташ йӧн эре лийже. Тидлан кугыжаныш умбакыже полшаш тӱҥалеш манын ӱшанена. А туныктышына-влак ӱдыр-рвезе-влакын чонышкышт шочмо йылмым йӧратымашым кеч-кунамат шыҥдарышаш улыт.

Шергакан-влак! У деч у сеҥымашым, усталык лектышым тыланем. Корныда волгыдо лийже, шонымашда-влак шукталтышт.

Пайрем дене!

Поро тыланымаш дене Марий Оньыжа Эдуард Александров.

Хэштег: #мариарслан #МариОньыжа #саламлымаш #мари #самырыктукым #марикалык