Икымше арня эртыш...

2016 ий сÿрем тылзын 4-23 кечылаштыже Марий кугыжаныш университетыште финн курс эрта. Курсыш кок коми, куд мари, вич мордва да кандаш одо ÿдыр-рвезе-влак ушнышна.

Икымше кече гычак студент-влак тунемаш тÿҥална, а кастене сайынрак палыме лияш модыш дене модна. Тыге тунемме деч посна тÿрлö сомыл ятыр. Теве ик кастене «Салика» марий кином ончышна; вес кечын одо ден мордва калык-влакын тÿвырашт дене пален лийна. Мутат уке, финн мурым кажне кечын гаяк мурена.

Шуматкечын, 9 июльышто, марий сылнымут классик Сергей Григорьевич Чавайнын шочмо мландышкыже – Морко район Чавайнурыш миен коштна. Тоштер-пöртыштö мыланна экскурсийым эртарышт. Сергей Григорьевичын паша вержым, возен кодымо кнагажымат ужна. Тылеч посна тоштерыште марий калыкын паша ÿзгар, вургемыштым, кайыкым ужаш йöн ыле.

Рушарнян Марий Эл Республикысе Т. Евсеев лÿмеш калыкле тоштерыш миен коштна.

Ончылно - кокымшо арня, у шинчымаш, у сомыл.

Автор: Вероника Мустаева.