Пеледыш пайрем вашеш марий землячестве-влак дене вашлиймаш

Вход на сайт

2016 ий 22 июньышто Марий Оньыжа Эдуард Александров марий землячествым еҥже-влак дене вашлие. Тӱҥ йодыш: Регион-влак кокласе Пеледыш пайремлан ямдылалтмаш.

Zemljashestve_mer-kansh.ru_.jpg

Марий землячестве-шамыч район делегаций-влакым кинде-шинчал дене вашлийме шотышто мутланышт. Тыгак тӱрлö конкурсышто сеҥыше-влаклан пöлекым кучыктымо шотышто ойлышт.

Тений Регион-влак кокласе «Пеледыш пайрем» 25 июньышто Йошкар-Олаште эрта. Тушко Марий Эл Республикын 14 районжо да элнан 9 регионжо марий-влак ушнат. 22 фольклор ансамбль шке мастарлыкышт дене куандара.

Пайрем кечын куд площадке пашам ышта. «Марий кудо» конкурсышко республикын чыла районжо чумырга. Шым еҥ «Марий ӱдыр» конкурсышко ушна. 10 ӱдырамаш «Эх, кувавай» конкурсышто мастарлыкыштым ончыкта. «Марий солык» конкурсыш 10 йодмаш пурен. Тыгак мыскарам да фотом йöратыше-влаклан посна конкурс-влак лийыт. Йоча программе, калыкле, спорт модмаш-влак вучат. «Марий кас», «Йыр куштымаш», этнодискотеке лийыт.

Ушныза чыланат Пеледыш пайремыш!

Автор: Эльвира Куклина.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.