Тиде книгалан меат эҥертена.

Уло тыгай книга – «Нылле ик порылыкым налын… - Сорок и одна доброта». Тушко марий поэт, прозаик, драматург, шымлызе-влакын возымышт, мер пашаеҥ-шамычын выступленийышт гыч 1300 наре кӱчык ойым 41 ужашыш чумырымо, кудышт таче шулдыран ойыш савырненыт. Нуным мемнан интернет-журналыштынат вашлийын кертыда.

«Тачысе илышын туштыжо-влаклан кӱчык да раш вашмутым пуышо» ой-влакым ик книгашке поэтесса, журналист Зоя Глушкова чумырен, а рушлашке нуным А.Я. Спиридонов кусарен. Тыге кок йылме дене возымо книгам 2008 ийыште Марий Элысе тӱвыра, печать да калык-влакын пашашт шотышто министерствын «Массовый информаций да книга лукмо пашам 2006-2009 ийлаште нӧлталын, вияҥден колтымаш» целевой прогаммыж почеш савыктыме. Ме ты кнагам марий Омар Хаямат манын кертына.

PS: Нылле ик порылыкым налын…: Марий шулдыран ой-влак. [Сорок и одна доброта: Крылатые выражения марийских авторов] /З.М. Глушкова чумырен. – Йошкар-Ола: Марий книга савыктыш, 2008. -360 с.

• Году литературы посвящается:
  "Встреча на лунной дорожке" (фото, видео)