Марий талешке кече Морко район Купсола школышто

Вход на сайт

Марий талешке кечын марий калыкна шке кугезе тукымжым, эн чолга, лÿддымö патыр, эрык верч шогышо, тыныс илышыштат тудын ончыклыкшо верч тыршыше ÿдыр-эргыже-влакым порын шарналта. Тиде кече вашеш Морко район Купсола школышто пайрем эртыш.

Kypcola_Taleshke.JPG

Ты пайремым марий йылмым да литературым туныктышо М.Э. Михайлова ыштыш. Марина Эвриковна да школысо тунемше-влак Марий талешке кечын историйже дене палдарышт да концерт программе дене куандарышт. Купсола школын икшывышт ынде Кронуш, Болтуш, Онар, Акпатыр да моло герой нерген сайын палат. Шке вер-шӧрысӧ талешкышт нергенат огыт мондо.

А кузе тыгай пайрем шочын? Тиде кече нерген икымше шонымаш 1917 ийыште Пошкырт кундем Бирск (Пӱрӧ) олаште эртаралтше чумыр марий калыкын I погыныштыжо лектын. Лач тунам марий просветитель Павел Глезденёв илышын кажне саманысе талешкыже-влаклан пӧлеклалтше кечым палемдаш тӱҥалаш ойым пуэн. Но Марий талешке кечым пайремлаш 1990 ий гыч веле тӱҥалме.

Автор: Е.В. Григорьева, Шӱргыял школышто марий йылмым туныктышо.
Снимкыште: Купсола школышто «Талешке кечым» пайремлымаш.

26 апрель - Марий талешке кече. Лудаш>>>
Марий талешке кече дене! Шарне тыят тукыметым!!!

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.