Кино идалыклан да Талешке кечылан пӧлеклалтеш вашлиймаш

Вход на сайт

2016 ий вӱдшор тылзын 25 кечынже Марий кугыжаныш университетысе калыкле тÿвыра да тÿвыра кокласе коммуникаций кыл институтышто Марий талешке кече вашеш икымше марий киноактрисе Валентина Васильевна Смирновам шарныме лÿмеш кинофестивальым эртарыме. Ты суапле пашам «Марий Эл Республикысе колыштмо-ончымо документ-влакын кугыжаныш архивше» кугыжаныш бюджет тöнеж виктарен шога. Тыге вашлиймашым архивым вуйлатыше Инесса Степанова мероприятийым вӱдыш.

AcM-RwjZ4Po.jpg

Валентина Васильевна Смирнова нерген шуко уым пален налаш пиал шыргыжале. Марий Элын калык артисткыже Светлана Строгановалан мутым пуышт. Тудо икымше марий киноактриса нерген шуко поро шомакым каласыш, эсогыл тудын автобиографий сынан книгаж нергенат икмыняр шомакым лукто, почеламутшо денат палдарыш. Светлана Васильевна тыгак «Салика» спектакыль гыч (кызыт тудым кино семынат палат) мурым йоҥгалтарыш.

--0IxUUPyU0.jpg

Умбакыже мыланна Архив тöнеж фотопрезентацийым ончыктыш. Киноакртисе эпизод роль-влакым модмо дене палыме. Чыла тиде киносӱрет-влакым ик видероликыш чумырымо да мемнан ончыко лукмо.

Мучашлан «Сквозь огонь» кином студент-влаклан ончыктышт.

Ончыч тыгай мероприятий Марий Элысе И.С. Палантай лÿмеш тÿвыра да сымыктыш колледжыште почылтын. Варажым Йошкар-Оласе художественный училищыште да тыгак Провой кундем Эсмекпляк (Исменцы) селаште ончыктеныт. Ӱшанен кодына, тыгай кинофетиваль умбакыжат лияш тӱҥалыт да тачысе илышыште пайдале лиеш.

Автор: Алина Макарова.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.