Марий киноактрисым шарныктарыше кинофестиваль

Вход на сайт

Smirnova3.jpg2016 ий апрель тылзыште «Марий Эл Республикысе колыштмо-ончымо документ-влакын кугыжаныш архивше» кугыжаныш бюджет тöнеж икымше марий киноактрисе Валентина Васильевна Смирновам шарныме лÿмеш кинофестивальым республик мучко эртара.

Фестиваль 6 апрельыште Марий Элысе И.С. Палантай лÿмеш тÿвыра да сымыктыш колледжыште почылто. Тунам Марий Элын калык артисткыже Светлана Строганова Валентина Смирнова нерген каласкалыш, тудын почеламутшо-влакым лудо. Архив тöнеж фотопрезентацийым ончыктыш.

Киноакртисе шуко киношто эпизод роль-влакым модын. Чыла тиде роль-влакым ик видероликыш чумырымо. Тудын денат палдарышт.

«Сквозь огонь» кином ончыктышт. Тыште Валентина Васильевна иканаште икмыняр эпизодышто рольым чоҥен.

А киновашлиймашым «Марий Эл Республикысе колыштмо-ончымо документ-влакын кугыжаныш архивше» тöнежым вуйлатыше Инесса Степанова вÿдыш.

Тыгаяк вашлиймаш 12 апрельыште 11 шагатлан Йошкар-Оласе художественный училищыште лиеш. 18 апрельыште 14 шагатлан – Провой кундем Эсмекпляк (Исменцы) селаште, 22 апрельыште 11 шагатат 30 минутлан – Марий кугыжаныш университетын калыкле тÿвыра да тÿвыра кокласе коммуникаций кыл институтыштыжо.

Марий киноактрисе Валентина Смирновам шарныме лÿмеш кинофестиваль Российысе кино идалыклан пöлеклалтеш.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.