Кино идалыклан пӧлеклалтше марий йылме да сылнымут арня

2016 ий пургыж тылзын 15 гыч 19 кечыж марте Марий кугыжаныш университетыште Кино идалыклан пӧлеклалтше марий йылме да сылнымут арня эртыш.

Паша радам почеш, икымше кечын Марий йылме да сылнымут арня почылто. Тушко уна-влак: режиссёр Олег Иркабаев ден самырык актрисе Людмила Федорова толыныт ыле. Нуно «Ял ÿмбалне мужыр йÿксӧ» кином кузе сниматлыме нерген каласкалышт.

16 пургыжышто «Сылнын лудмаш» конкурс лие. Сеҥышыш Христина Иванова, Светлана Терентьева, Марина Ведерникова лектыч. Тыгак, шке возышо да лудшо-влакымат пӧлек дене палемдышт.

17 пургыжышто «Салика» марий кином ончышна.

18 пургыж марте студент-влак видеоконкурсышто вийыштым тергеныт. Тудо «Марий йÿла - чоныштем ила» маналте. Конкурсыш кум паша пурыш: икымше курсышто тунемше Анастасия Галиеван, тыгак 35 ден 52 группышто тунемше студент-влакын.

19 пургыжышто Марий йылме да сылнымут арням иктешлышна. Тунам сеҥыше-влак дене палдарышт, пӧлекым кучыктышт, да «Мари йÿла – чоныштем ила» видеоконкурс гыч видеоролик-влакым ончыктышт.

Автор: Вероника Мустаева.