Марий йылме да литератур дене олимпиаде

Ынде икмынярымше ий почела марий йылме да литератур дене республик кӱкшытысӧ да регион-влак кокласе олимпиаде эрта. 2016 ий 13-14 февральыште олимпиадыш (Марий кугыжаныш университетыш) 146 тунемше чумырген. Нуно марий йылмым, сылнымутым, марий калыкын историйжым палымыштым тергеныт. Икымше кечын Марий Эл гыч ӱдыр-рвезе-влак таҥасеныт гын, кокымшо кечын сеҥыше-влак регион-влак кокласе олимпиадышке ушненыт. Чылажге Марий Эл, Свердлов, Татарстан да Пошкырт кундемла гыч 17 тунемше лийын.

Каласаш кÿлеш, тунемше-влак кок тӱшкалан: марий йылмым кугыжаныш да шочмо йылме семын тунемшылан - шелалтын таҥасеныт.

Нунын пашаштым акленыт: марий йылме дене Елизавета Ивановна Игнатьева да Серафима Михайловна Шарапова, а марий литератур дене Галина Никитьевна Бояринова. Тыгак Медведево, Морко, Параньга, Оршанке районласе образований пöлка гыч методист-влак полшеныт.

Кок кече шинчымашым ончыктымеке, тунемше-влак посна лектышыш шуыныт.

Марий йылме дене.
9 класс:
1 вер – Мария Андреева (Морко район Кожлаер школ, Марий Эл);
2 вер – Валерия Такуева (Байгузино кыдалаш школ, Башкортостан Республик);
3 вер – Эльвина Шамукаева (Мари-Буляр кыдалаш школ, Татарстан Республик);
3 вер – Мария Иванова (Кашинский кыдалаш школ, Свердлов кундем);
10 класс:
1 вер – Елена Глушкова (Советский район Ӱшнур кыдалаш школ, Марий Эл);
2 вер – Виктория Афонькина (Байгузино кыдалаш школ, Башкортостан );
11 класс
1 вер – Ангелина Соколова (Волжск район Карай кыдалаш школ, Марий Эл);
2 вер – Николай Ильин (Агрыз район Бим кыдалаш школ, Татарстан).

Марий литератур дене:
1 вер – Александра Оразаева (9 класс, Марий Турек Сардаял школ, Марий Эл);
1 вер – Анастасия Богданова (10 класс, Советский район Ӱшнур школ, Марий Эл);
1 вер – Марта Юркина (11 класс, Советский район Ӱшнур школ, Марий Эл);
2 вер – Надежда Тимирянова (11 класс, Бабаев кыдалаш школ, Башкортостан).

Чолга ӱдыр-рвезе-влак, сеҥымаш дене саламлена. Умбакыжат марий йылмым, литературым да марий калыкын историйжым эше келгынрак тунемаш тӱҥалыда манын, ӱшанен кодына.

Автор: Анастасия Галиева.