Чынже денак, тыгай концерт эше лийын огыл

Сылнымут идалыкым Марий Элыште тÿрлö семын иктешлат. Теве «Позий шепкаште» сылнымут ушем «Сылне мут гыч сылне мурыш» концерт дене куандарыш. Тудо 2015 ий 22 ноябрьыштак лие, но тачат ушышто ила, чоным вÿчка.

Вера Гордеева, Надежда Васильева, Алёна Яковлева, Володя Матвеев, Игорь Попов. Нуно шкешт самырык улыт, но лÿмышт палыме. Чынже денак, поэзий корно дене кыртмен да пеҥгыдын ошкылыт. Нуным иктеш ушен шога эше ик палыме лÿман еҥ - Татьяна Соловьёва, поэтессе, мурызо. Лач тудо 11 ий ондак «Позий шепкаште» сылнымут клубым чумырен. Тыге нуно пырля тунемыныт, кушкыныт да вийым погеныт... Сылнымут идалыкыште «Муталан» (mutalan.ru) сылнымут сайтым «ИНТЕЛЛЕКТУАЛ» тÿвыра-увер рÿдер дене пырля ыштеныт.

А касышке самырык писатель-влакым шуко уна, кугурак йолташышт-влак саламлаш толыныт. Теве шочмо школышт гыч туныктышышт, школ вуйлатыше-шамыч лийыныт.

Самырык-влакын почеламутыштлан мурым лÿмлö мурызо-влак йоҥгалтареныт.

• Сылне мут гыч сылне мурыш. Тыгай концертым але ончен огыдал!
• Интернетыште «Муталан» лÿман у сайт шочын

• Афиша
• Новости культуры