Тÿвыра да сымыктыш колледжым вуйлатышын лÿмгечыже

Вход на сайт

klenov.jpg2015 ий 12 сентябрьыште И.С. Палантай лÿмеш республикысе тÿвыра да сымыктыш колледжым вуйлатыше Алексей Максимович Клёнов 55 ияш лÿмгечыжым палемда.

Алексей Максимович Клёнов 1960 ийыште Марий Эл Республикысе У Торъял район Яран-Мучаш ялыште шочын-кушкын. Оршанге педучилищыште, Крупская лÿмеш МГПИ-ште тунемын. Туныктышылан, завучлан, директорлан тыршен. Оршанге педучилищыште пашам ыштен. Марий туныктыш институтышто тыршен. 1995 ий годсек И.С. Палантай лÿмеш республикысе тÿвыра да сымыктыш колледжым вуйлата. 2007 ийыште «РФ кыдалаш профессионал образованийын почётан пашаеҥже» лÿмым сулен налын.

Тудо чолга мер пашаеҥ. Тыгак икмыняр книган авторжо. Мутлан, «Что в душе у народа?», «Марий Эл — край марийский», «Народы Земли — богатство мира», «Школа нашего детства», «Ярань-Мучаш – колыбель моя».

Алексей Максимовичым Марий Оньыжа Анатолий Иванов да Мер Каҥашын еҥже-влак сылне пайремже дене шокшын саламлат. Пеҥгыде тазалыкым, кужу ÿмырым, тыгаяк чолгалыкым, у деч у сеҥымашым тыланат. Поро тыланымашке «Арслан» этнокультур интернет-журналын коллектившат ушна.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.