2015 ийыште Юл федерал кундемысе «iВолга» самырыктукым форум 17-27 июньышто Самара областьын Фестиваль паркыштыже (Мастрюковский ер) эрта. Тушко Марий Эл Республике гыч 100 наре еҥ кая - 85-ше шке проект дене.

Чылаже Марий Эл гыч «iВолга» форумын конкурсышкыжо 285 проект дене йодмаш пурен, а Юл кундемын тӱрлö регионжо гыч – куд тӱжем утла. Марий Эл гыч ойырымо 85 проект коклаште «Самырык этножурналист школ» туныктымо семинар дечат кум оҥай паша уло. Нуным Школын чолга еҥже-влак Анна Васильева, Вероника Мустаева, Ирина Павлова аралаш тӱҥалыт.

А форумыш «Арслан» этнокультур интернет-журналын специальный корреспондентше семын мый, Надежда Тимофеева, каем. Лудса, ончыза «Арслан» журналым. Ме «iВолга» шотышто эн свежа увер дене палдарена.

Ушештарена, форумышто индеш туныктымо смене пашам ышта:
— «Патриот»;
— «Политика»;
— «Медиаволна»;
— «Культурный бум»;
— «Поколение добра»;
— «Ты – предприниматель»;
— «Инновации и техническое творчество»;
— «Малая Родина – большие возможности»;
— Фитнес-смена «Спортивная молодёжь - здоровая нация».

«iВолга-2015» форумын призовой фондшо — 9 млн теҥге.

Автор: Надежда Тимофеева.

• «iВолга – 2015» молодёжь форум лишемеш