2015 ий 1 июньышто Йошкар-Ола мучко Йоча-влакым аралыме кечылан пöлеклалтше ятыр мероприятий эртыш. Теве рӱдö паркын ик кумда верыштыже марий муро ятыр еҥым шкеж деке савырыш, эртен каяш нигузеат ыш лий – чон лач тушко шупшо. Да, арам огыл.

«Ик кечым пöлекле йочалан» пайремыш Марий Эл Республикын, тыгак марий калыкын илыме вес регионлаж гычат ӱдыр-рвезе-влак ушненыт. Тыге регион-влак коклаште 10-шо гана эртаралтше «Марий юнкор слётыш» толшо-влак, Йошкар-Оласе 2-шо ден 7-ше №-ан школлаште тунемше-шамыч лийыныт.

Шке мастарлыкышт дене Оршанге район Кугунур гыч «Шонанпыл», Волжский район Приволжский гыч «Талант памаш», Йошкар-Оласе 14-ше №-ан гимназий гыч «Изи памаш», Республикысе йоча ден самырыктукымын полатышт гыч «Шокто гармонь» ансамбль-влак куандареныт.

Йоча-влак шкештак марла муреныт да куштеныт гын, модыш дене нуным вӱдышö-шамыч: Кеҥеж, Ӱчызö Тарля, Шыри Петр – модыктеныт. «Взрослые - детям» онкологий да гематологий черым эмлаш полшышо фонд ӱдыр-рвезе-шамычым илышлан куанаш таратен. Теве вӱдоҥгым овартен, сылне деч сылне сӱретым ыштен öрыктарен.

Тиде кечын кугыеҥ-влак пöлек деч посна толын огытыл. «Ямде лий» газет редак газетым, «Саскавий» ӱдырамаш ушем книга-влакым пуэныт. А Марий Эл радио мурышо йоча -влак коклаште сеҥыше-шымычым палемден: Миша Костылев (кумшо вер, «Талант памаш», вуйлатыше – Вячеслав Осипов), Костя Рябинин ден Маша Акулова (кокымшо вер, «Шонанпыл», вуйлатыше – Елена Рыбакова), Арина Морозова (икымше вер, «Талант памаш», вуйлатыше – Вячеслав Осипов). Нунылан «Ньютрейд» фирме деч пöлек логалын.

Тыныс да пиалан илыш нерген асфальтыш сöретленыт да, келшен илыме нерген шонен, кавашке тӱрлö тӱсан шарым колтеныт. Да, йоча-влакын илышышт тамле лийже манын, «ЕВРОФУД» фирме «МАРИ-АЙС» мороженый дене сийлен.

Тӱҥ организатор: Республикысе мартй тӱвыра рӱдер.

Автор: Эльвира Куклина.

• 1 июньым пöлекле йочалан!

• "Саскавий" марий ӱдырамаш ушем
• Йоча-влакым аралыме тӱнямбал кечылан
  пӧлеклалтын (2014 ий)
• Центр марийской культуры
• Марий тӱвыра рӱдер