Эстонийыште Марий Талешке кечым пайремленыт (фото, видео)

Вход на сайт

2015 ий 28 апрельыште Эстонийысе Тарту олаште, а 29 апрельыште Талинныште Марий Талешке кечым пайремленыт. Тушко Марий Эл Провой кундем гыч «Олык сем» ансамбль миен коштын.

taleshke-15_11.jpg

Пайрем Тартушто Эстон калык тоштерыште тӱҥалын. Чолга еҥ Васли Николаев марий талешке-влак нерген каласкален да видеопрезентацийым ончыктен. Лӱмлӧ эстон серызе Арво Валтон «Югорно» марий эпосым эстон йылмыш кусарымыж нерген ойлен.

Татьяна Албахтина марий рушарня школ дене палдарен. Школыш коштшо Эдвин Матвеев марла «Шошо толын, шошо» почеламутым лудын пуэн. Марита Шорникова ава нерген мурым муралтен. Лиза Салмиянова флейте дене марла семым шоктен.

«Тарту марий-влак ушемын» «Марий кумыл» ансамбльже лӱм дене мурпӧлекым Анна Мишина ден Елена Ласточкина ыштеныт. Анна Татарстан кундем рекрут мурым муралтен, вара Анна ден Елена «Пиал дек кайме корно» мурым шергылтареныт.

Мучашлан Марий Эл гыч толшо «Олык сем» ансамбль чапле концертым ончыктен.

Таллиныштат пайрем сайын эртен.

Ансамбльым Эстонийыш «Фенно-Угрий» ӱжын. Тарту мероприятий-влакым «Тарту марий ушем» эртарен гын, Талинныште - «Талинн марий ушем».

Материалым https://mariuverm.wordpress.com сайт ныч налме.
Марий режиссёр Алексей Алексеевын видеоже.

Икымше лаштыкыш пöртылаш>>>

Назад на первую страницу>>>

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.