Марий самырыктыкым могай корно дене вияҥшаш? (фото)

12 февральыште Марий Эл Республикысе тӱвыра, печать да калык-влакын пашашт шотышто министерствын конференц-залыштыже марий мер толкынын самырык активистше-влак дене вашлиймаш эрен.

Вашлиймашке тÿрлö мер ушемын, тöнежын еҥже ден уна-влак погыненыт. Мутлан, «ВийАр», «Югорно», МАФУН, «У вий» мер ушем-влак, «ИНТЕЛЛЕКТУЛ» тÿвыра-увер рÿдер, Республикысе марий тÿвыра рÿдер, калык-влак кокласе кылым вияҥдыме шотышто молодёжь министерстве, Марий Элысе калык-влакын самырык ассамблейышт. Тыгак погынымашке «Кугарня» да «Марий Эл» газет- влак, «Ончыко» журнал редакцийлаште тыршыше-влак ушненыт.

Мер толкынын самырык активистше-влак республикысе тÿвыра, печать да калык- влакын пашашт шотышто министр Михаил Васютин да тудын алмаштышыже Галина Ширяева дене мутланеныт, пÿсе йодыш-влакым каҥашеныт. Тÿҥ шотышто марий мер ушем-влакын 2015 ийыште ыштышаш паша радамыштым лончыленыт, Марий самырыктукымын Россий кÿкшытан VII слётшым эртарыме нерген ойленыт. Тиддеч посна марий йылмым арален кодымо да тидлан лÿмынак эртаралтше марий конкурсын, мероприятийын кÿлешлыкышт нерген палемденыт.