2015 ийлан «Марий калыкын кечышотшо (календарь)» ош тÿням ужын. Тудым Марий Эл Республикысе Марий Юмыйÿлан рÿдö юмыйÿла ушемже ынде визымше гана луктын. Проектын авторжо: Галина Ласточкина, ушемыште юмыйÿла йодышым виктарыше.

Календарьын авторжо – Александр Таныгин, Марий Эл Республикысе Марий Юмыйÿлан рÿдö юмыйÿла ушемжым вуйлатыше. Кечышот савыктышым лукмаште икоян команде тыршен: дизайнер – Валентина Безденежных, редактор – Зоя Глушкова, фотосÿретче-влак – Михаил Скоболев, Эльвира Куклина, Анатолий Титов.

Палемдыман, 2015 ий – Ӱшкыж идалык. Тудо мемнан деке вес ийын 22 мартыштыште толеш, Агытан идалыкым вашталта.

Ӱшкыж идалык - 1919, 1951, 1983, 2015 ийла. Ӱшкыж – суртвольык, чытымашым, радамын шонкален моштымым, порылыкым, тöрлыкым ончыкта. Идалык тыныс, ласка лийшаш, пÿртÿсын шулыкшо дене леведалтшаш. Тиде ийын шочшо-влакым эре эскерыман, кÿтÿчö семын кÿтенак шогыман. Идалыкым ласка шомакым кучылтын поктыман. Тÿнямбалне ÿшкыж ий калык коклаште ваш-ваш шогымаш, тыныс дене шöралтын. Кö öргымö койышым амал деч посна ончыкта гын, Юмо тудым кужу жаплан шкеж деч ойыра. Идалык виян тÿкыж дене ушкалым, презе-влакым индыраш огеш пу – тукымжо верч мучаш марте шога. Ӱшкыж вийым кучылтын, калык пасу пашаштат сай лектышым налеш. Кинде, шудо да мланде ÿмбалне шочшо моло кушкыл, вольык чока да сай таман лиеш. Идалык вÿден кайыше оза дене кылдалтын, сай оза идалык пашам кугу лектыш дене мучашла. Ӱшкыж идалыкыште икымше импераиалист сарым шогалтен кертме (1918 ий).

Уверым «Марий калыкын кечышотшо» савыктышым кучылтын ямдылыме.

• Марий У ийым 22 мартыште палемдена?