9 ноябрь лишемеш. «МАРИКИНО» студийын шочмо кечыжым палемдыман вет! Тидлан пӧлеклалтше кугу концерт М.Шкетан лӱмеш Марий кугыжаныш драме театрыште лиеш. Тудо 18 шагатлан тӱҥалеш.

9 ноябрь лишемеш. «МАРИКИНО» студийын шочмо кечыжым палемдыман вет! Тидлан пӧлеклалтше кугу концерт М.Шкетан лӱмеш Марий кугыжаныш драме театрыште лиеш. Тудо 18 шагатлан тӱҥалеш.

Зинаида Долгован Марий самырык театрын сценыштыже модын ончыктымо икымше пьесыже «Шудо шешке» маналтеш гын, ты гана автор у пашажым «Вис-вис пушан орлыкем» манын лўмден. Тудым адак Марий самырык театр шынден. А ынде тиде спектакльым DVD-дискыштапт ончаш лиеш!!!

20 сентябрьыште Йошкар-Оласе Чарла кремльыште "Чон ӱжеш Марий паркыш" каныме кас эртен. Тудо ты гана самырык пагытлан пӧлеклалтын да тыге шошо марте чеверласен.

9 да 10 сентябрьыште Сыктывкар олаште (Коми Республик) «Ял ӱмбалне мужыр йӱксӧ» у марий художественный фильмым икымше гана тӱшка калыклан ончыктеныт. Тушто 9-13 сентябрьыште Финн-угор калык-влакын ончымо сымыктышыштын «Туйвеж» («Корнывож») III тӱнямбал фестивальже эртен.

Ужалымашке «Вис-вис пушан орлыкем» телеспектаклян у видео-диск лектын. Тудым налше-влак коклаште пӧлек-влак модылтыт: 40 дюйман да 3D форматан плазман телевизор, 21 тӱжемаш Samsung холодильник, ноутбук, тумо печке, мультварке да моло пӧлек лийыт. Купонан дискым налше-влакым 9 ноябрьыште Шкетан лӱмеш театрыште «МАРИКИНО» студийын шочмо кечыштыже вучат. Телефон 78-76-14 але 8-917-703-66-24.

• «Вис-вис пушан орлыкем» телеспектакль нерген
• МАРИКИНО нерген

10 майыште у марий кином ыштымаште участвоватлыше еҥ-влак кином войзаш палемдыме вер-шӧрым ончал савырнышт. Тиде вер - Кужеҥер вел сола кундемыште, вес семынже, Йывансола – Купсола – Кораксола - Регеж ял-влакым авалтыме тураште.

«Марикино» студий «Ял ӱмбалне мужыр йӱксӧ» киношто модаш артист-влакым пога (кастингым эртара).

Кеч-кӧ кеч-мом ойла гынат, марий тӱня шолеш, шке калыкшым, йылмыжым, тӱвыражым йӧратыше да аралаш полшышо еҥат ятыр. Теве теҥгече амалкалче Николай Мамаев дене мутланен шинчыме годым ик оҥай проект нерген пален нальым.