21 январьыште Республикысе марий тӱвыра рӱдерын пашаеҥже-влак Йошкар-Оласе «Чодыра йомак» 49-ше №-ан йочасадыште «Марла ойлаш тунемына» модыш аланым эртареныт.

Республикысе марий тӱвыра рӱдер У ий пайремышке пагален ӱжеш.

4 декабрьыште Йошкар-Олаште "Мунло" республик кӱкшытан икымше интеллектуал марафон эртен. Тудо Марий Эл Республикын шочмо кечыжлан пӧлеклалтын. Тушто тӱрлӧ район ден оласе школла да кок кугу тунемме вер гыч куд еҥан кандаш команде шке шинчымашыжым шочмо мландын историйжым, чапланыше еҥже-влакым, калыкын йӱлажым палымаште терген.

5 декабрьыште Марий Элын сулло артитсше Валерий Григорьев, эстраде мурызо Лариса Сидоркина, "Каче-влак" группо Морко кундемыш "Шӱмбел ялем - авамландем" концерт-спектакль дене вашкат.

4 декабрьыште Марий тӱвыра рӱдер Марий Элын кечыжлан пӧлеклалтше Республик кӱкшытан «Мунло» интеллектуал марафоным эртара. У шонымашым илышыш шыҥдараш республикысе Тӱвыра, печать да калык-влакын пашашт шотышто министерстве, Туныктыш да шанче министерстве, Марий кугыжаныш университет полшат.

1-9 ноябрьыште Свердловск кундем Красноуфим районышто Марий калык тӱвыра арня эртаралтеш. Тудо Марий Эл Республикысе марий тӱвыра рӱдерын 15 ияш лӱмгечыжлан пӧлеклалтеш.

24 октябрьыште И.С.Палантай лӱмеш республикысе марий сымыктыш да тӱвыра колледжыште родо-тукым финн-угор калык-влакын кечыштлан пӧлеклалтше «Луй модеш» оласе модыш эртыш.

Кажне шуматкечын Йошкар-Олаште (Ленин лӱмеш тӱвыра полатыште) "Марий кас" эрта.

14 октябрьыште, Покро кечын, Республикысе марий тӱвыра рӱдерын пашаеҥже-влак тошто пайрем мурым погымо амал дене Оршанге район Кугунур селашке миеныт.