9-10 декабрьыште Йошкар-Олаште Тиште кечылан пӧлеклалтше мероприятий-влак эртаралтыт.

2013 ий 10 декабрьыште марий калык Марий тиште кечым официально пайремлаш тӱҥалмылан 15 ийым палемден. Тиде кечын Йошкар-Олаште пайрем кас Республикысе курчак театрыште эртен. Тунам марий тамга вияҥме корнышто икымше гана «Марла чын возена» тӱшка диктантым возышо-влак кокла гыч сеҥышым саламленыт. Чылаже шымлызе Иван Грирорьевич Ивановын «Йылме – калыкын чонжо» текстшым Марий кундемын тӱрлӧ верже, элнан моло кундемже да эсогыл Австрий гыч 455 еҥ возен. Тышеч 220 еҥже Марий кугыжаныш университетыште 9 декабрьыште очно серен. Тиддеч вара эше Одо кундем гыч кумылаҥше-влак лийыныт.