5-7 августышто Хельсинкиште (Финляндий) МАФУН-ын - Финн-угор самырыктукым ассоциацийын - XI конгрессше эртен. Тушко 37 делегат да 43 эскерыше ушненыт. Марий Эл гыч – Алёна Иванова, Евгений Сиваев, Наталья Венина («ВийАр» марий молодёжь общество), Андрей Эманов, Эдуард Оразаев («У вий» марий самырык ушем), Надежда Николаева («Югорно» мер организаций), Светлана Кушакова («Кугарня» газет), Василий Петров (МАФУН-ын экс-президентше, Кугурак-влакын ушемышкышт пурышо).