Эстонийыште илыше марий кинорежиссёр Алексей Алексеевын «Угинде» лӱман киножым вашке Грузийыште ончат.

Марий тиште кече лишемеш. Тудо йÿла почеш 10 декабрьыште палемдалтеш. Тыге пайрем вашеш Эстонийыште марий режиссёр Алексей Алексеевын «Угинде» лӱман киножо ончыкталтеш.

Эстонийыште илыше марий кинорежиссёр Алексей Алексеевын «Угинде» лӱман киножо икымше гана ончыкталтеш. Тудо 2015 ий 14 октябрьыште Эстонийысе Тарту олан тоштерыштыже да 15 октябрьыште Таллин оласе университетыште лиеш. 17 шагатлан тÿҥалеш.

2015 ий 29 апрельыште 17 шагатлан Эстонийыште, Таллин тошто олан театр залыштыже Марий Талешке кече эрта. Тыште Яков Павлович Майоров-Шкетанын «Кок сӱанат пеле» песыже оныкталтеш.

Декабрь тӱҥалтышыште Эстонийыште илыше марий кинорежиссёрлан Алексей Алексеевлан Эстон Калык Тӱвыра Фонд Яков Павлович Шкетан нерген документальный киносценарийым возаш стипендийым пуэн.

Алексей Геннадьевич Алексеев – Марий Эл Йошкар-Олан шочшыжо. 1974 ийыште шочын, 1990 ийыште Национальный президент интернат-школым тунем пытарен. 1990-1994 ийлаште И.С.Палантай лӱмеш республикысе тӱвыра да сымыктыш колледжыште театр пӧлкаште шинчымашым налын. Колледжыште тунеммыж годымат, варат Марий самырык театрыште пашам ыштен. Тиде жапыште тӱрлӧ рольым чоҥен: мутлан, Тойгелдым "Айвика" (С.Николаев) пьесыште, Пионерым "Эх, илышет-шереметет" (М.Шкетан) драмыште, Илем каҥашын еҥжым "Ӧртӧмӧ он" (Г.Гордеев) пьесыште, Поэтым "Эрге" (В.Домрачев) спектакльыште. Тыгак рушла модын: «Ревизор» (Н.Гоголь) пьесыште Хлестаков, «На дне» (М.Горький) драмыште Барон, «Дядя Ваня» (А.Чехов) пьесыште Телегин.