Регион-влак кокласе кужун вучымо «Пеледыш пайремлан» ямдылалтмаш мучашке лишемеш. Шушаш шуматкечын, 21 июньышто, тудо Йошкар-Олаште уна-влакым чумыра.

Ямдылалтме сомылым шуктымашке шуко еҥ ушнен, тыгак Республикысе марий тӱвыра рӱдерын пашаеҥже-влак кугу надырым пыштеныт. Шийвундо полышым «2013-2020 ийлан Марий Эл Республикын кугыжаныш национальный политикыже» республикысе целевой программе кышкареш Марий Эл Республикын Тӱвыра, печать да калык-влакын пашашт шотышто министерстве пуэн.

Спонсор семын полыш кидым шуялтеныт: «Одис» ООО (директор-влак каҥашын председательже Александр Одинцов), «Звениговский» совхоз (генеральный директор Иван Казанков), «Деловой акцент» рекламно-информационный газет (учредитель Анастасия Гилязова), «Ростелеком» ОАО-н Марий Эл Республикысе филиалже (директор Светлана Пашукова).

Тенийсе «Пеледыш пайремын» ик эн ойыртемалтше могыржо – «Мелна пайремым» эртарымаш да «Йыр куштымаш» калык культурын республик кумдыкан фестивальже.

Пайремыш толшо-влакым ятыр культур да спорт программе вуча. Ты кечын тӱрлӧ площадкыште республикысе районла да моло кундемла гыч толшо фольклор коллектив-влак, эстраде мурызо-влак выступатлат, йоча-влакым модыш программе вуча, калык куштымашым йӧратыше-влакым «Марий кас» чумыра. Пайремым торжественно почмаш 12.00 шагатлан Ленин лӱмеш площадьыште лиеш. Пайрем кастене тыштак этнодискотеке дене мучашлалтеш.

Геннадий Сабанцев кусарен.

Буклет с Программой - Скачать.

• На "Празднике цветов" угостим блинами!