9 майыште Чарла Кремльыште «Марий кас» каныш касын кеҥежымсе тургымжо почылтын. Тудым Республикысе марий тӱвыра рӱдер эртарен. Кас 1941-1945 ийласе Кугу Ачамланде сарыште сеҥымылан 69 ий темме лӱмеш пӧлеклалтын. Каналташ да ончаш толшо-влакын йодмышт почеш вес каныш кас июнь тӱҥалтыште эртаралтеш.

Сеҥымаш кечын «Марий касыште» сар годсо марлаш кусарыме муро-влак йоҥгалтыныт. Нуным артист-влак Зоя Берникова, Лариса Сидоркина, Александр Егошин, Геннадий Григорьев, Влад Николаев, Сергей Романов, «Каче-влак» группо, «Чон онгыр» фольклор ансамбль муреныт.

Марий тӱвыра рӱдер касыш толшо ветеран-влаклан пеледыш-влакым кучыктен.

Пайрем касыш толшо-влакым Марий Эл Кугыжаныш Погын да Мер Каҥаш лӱм дене Кугыжаныш Погынын пресс-секретарьже, Мер Каҥаш исполкомын еҥже Александр Петров саламлен.

Сылне марий мурсем почеш каналташ да чоным куандараш пайрем касыш шуко еҥ погынен ыле. «Марий кас» пеш оҥайын, чолган да веселан эртен.

Кусарен: Геннадий Сабанцев.

• Йошкар-Олаште 9 май (пайрем программе)