«Самырык-влакын культурный канышышт» темылан ӱчашклуб
Вход на сайт
19 мартыште 13 шагатлан Марий кугыжаныш университетын конференц-залыштыже (1-ше №-ан у корпус, 216-шо каб.) Ӱчашклубын черетан вашлиймашыже лиеш. Ты гана «Самырык-влакын культурный канышышт» теме дене каҥашат. Мероприятийым Республикысе марий тӱвыра рӱдер ден Россий Федерацийысе финн-угор университет-влакын студент ден аспирантыштын ассоциацийышт пырля эртарат.
Йодышым каҥашымашке Марий кугыжаныш университетын студентше-влак, «ВийАр» мер организацийын, Марий Эл Республикысе Самырык-влак правительствын, Финн-угор калык-влакын Самырык ассоциацийыштын еҥже-влак ушнат.
Саманлан келшыше технологий полшымо дене (онлайн-кыл почеш) ӱчашымашке Югорский, Петрозаводскысо, Сыктывкарысе, Ижевскысе университет-влакын финн-угор студентыштат ушнат.
А тиддеч ончыч (11 шагатат 30 минутлан) тӱвыра нерген онлайн-лекцийым палыме финн-угровед Янош Пустаи лудеш.
Ӱчашклубышто вес вашлиймашым 25 мартлан палемдыме. Тунам «XXI курымын талешкыже-влак» темым каҥашаш тӱҥалыт.
Налме вер: http://mari-centr.ru.
