Кузерак таче оласе йочасадлаште марий йылмым тунемыт?

Вход на сайт

Республикысе марий тӱвыра рӱдер марий йылме туныктышо-влак дене эреак кылым кучен шога. Теве 20 февральыштат рӱдерысӧ тӱшка тӱвыра паша шотышто пӧлкам вуйлатыше Людмила Кошкина Йошкар-Оласе 20-ше №-ан йочасадыш миен коштын. Тушто Шочмо йылмын тӱнямбал кечыжлан пӧлеклалтше семинар эртен. Йочасадлаште марий йылмым туныктышо-влак чумыргеныт.

Тӱҥалтыште 29-ше №-ан йочасадыште марий йылмым вӱдышӧ Валентина Ларкина урокым ончыктен. Вара марий йылмын ончыкылыкшо, тудым изинекак икшывылан туныктымо нерген мутланеныт.

Чаманаш логалеш, йочасадлаште марий йылмым туныктымаш начарем толеш.

Людмила Кошкина туныктышо-влаклан «Пеледше тукым» йоча усталык конкурс нерген кумданрак каласкален, тыгак йылмынам вияҥден колтымо нерген ой-каҥашым пуен. Умбакыже мутланымашым самырык-шамыч дене пырля шуяш Дискуссионный клубышко ӱжын. Тыгай клуб 21 февральыште 14 шагатлан Марий кугыжаныш университетын у корпусыштыжо лиеш (216 ауд.).

Налме вер: http://mari-centr.ru.

Mari
АНО «ИНТЕЛЛЕКТУАЛ»
АНО «Культурно-информационный центр «ИНТЕЛЛЕКТУАЛ»
При использовании материалов сайта ссылка на «Этнокультурный интернет-журнал «Арслан» обязательна.
E-mail: mari-arslan@mail.ru. Тел. 8-917-703-66-24.