1 мартыште Республикысе марий тӱвыра рӱдер В.И.Ленин лӱмеш Тӱвыра полат дене пырля Ӱярня пайремлан пєлеклалтше мероприятийым эртара. Тушто оҥай деч оҥай программе вуча.

14 шагатлан Тўвыра полат ончылно декоративно-прикладной искусствын ыштыш-кучышыжо ончыкталтеш, келшыше арверым кумылан-влак оксала налынат кертыт. Тиде жапыштак олаште илыше ден уна-шамычым усталык коллектив-влак куандараш тӱҥалыт, тӱрлӧ таҥасымаш да йўлашке пурышо калык модыш лийыт.

15 шагатлан Ӱярня пайрем Тӱвыра полатыш кусна. Кушташ-мураш йӧратыше-влакым тушто молгунамсе семынак «Марий кас» вуча. Тиде гана тышке унала Киров областьысе Кильмезь район гыч «Марий сем» ден мемнан республикысе Советский посёлко гыч «Кугезе кумыл», Йошкар-Ола гыч «Чон оҥгыр» ансамбль-влак толыт да пайремыш погынышо калыкым шке моштымашышт дене куандарат, кандарат.

Пайрем полатын кугу залыштыже концерт дене мучашлалтеш. Концерт 17 шагатлан тӱҥалеш.

Чыладамат Ӱярня пайремыш пагален ӱжына!

Ӱярня пайремын 2 мартысе радамжым Интернет сайтыште муын кертыда – http://mari-arslan.ru.

Налме вер: http://www.mari-centr.ru.