• «Ӱярня» пайрем 1 мартыште тӱҥалеш

Кечышот почеш Ӱярня пайрем мемнан деке вашка. 2 мартыште Йошкар-Оласе Патриарший площадьыште «Чевер мелнан Ӱярня» республикысе йӱла пайрем лиеш.

Тений Ӱярня пайрем ик жапыштак да ик верыштак кок йылме дене – марла да рушла эрта. Пайремыште мурымаш-куштымаш, тӱрлӧ оҥай модыш, йолкурык гыч мунчалтымаш лийыт, тутло мелна дене сийлат. А Ӱярня пазарыште у межгемым, комдым, порсын шовычым ужален да налын кертыда.

Организатор-влак: Республикысе марий тӱвыра рӱдер ден «Телерадио» компаний.

2 мартыште 11 шагатлан Йошкар-Оласе Патриарший площадьыште вашлийына!

Шотыш налза: 1 мартыште Ленин лӱмеш тӱвыра полатыште эртыше «Марий касат» Ӱярня пайремлан пӧлеклалтеш. Тушко Киров область Кильмезь район гыч «Марий сем», Марий Эл Республик Советский посёлко гыч «Кугезе кумыл» ансамбль-влак лийыт.

РЕСПУБЛИКЫСЕ ӰЯРНЯ-2014 ПАЙРЕМЫН ПРОГРАММЫЖЕ:
11.00 – 15.00
Кочкыш да промышленный сату ярминга
12.00 – 13.00
Мурен-куштымаш, калык модыш, ӱчашымаш конкурс-влак:
- Йолкурыкышто, ватрушке дене мунчалтымаш, имне дене шинчын кудалыштмаш
13.00 – 14.00
Пайремым почмаш. Фольклор коллектив да эстраде артист-влакын концертышт
14.00 – 15.00
«Пульс-Радио» ден «Блиц «FM» радиостанцийлаште эртыше конкурсышто сеҥыше-влак коклаште пӧлек-влакым модмаш.
15.00 – Ий мучко погынышо осалым йӱлатымаш. Пайрем программым мучашлымаш.

Налме вер: http://chm.mari-centr.ru.