«Йӧраташ гын йӧраташ!» - тиде теме дене «Рвезылык» этнодискотек пургыж тылзын 12 кечынже Ленин лӱмеш тӱвыра полатыште (Йошкар-Ола) эрта. 20 шагатлан тӱҥалеш.

Кас Йӧратыше-влакын кечыштлан пӧлеклалтеш. Тыге йӧратыше да йӧратыме, илышыште шке пелыжым кычалше да веселан жапым эртараш кумылан-влакым пагален ӱжыт!

Шуко модыш, оҥай конкурс-влак лийыт! А чоным ты гана «У муро» вокал студий кандараш тӱҥалеш.

Сылне марий муро почеш кап-кылет тарватынет, йорга койышетым модыктынет, илышын кажне татшым порын да веселан илынет – тугеже тыйым кажне вӱргечын «Рвезылык» этнодискотекыште Республикысе марий тӱвыра рӱдерын чолга еҥже, артист-влак вучат.

Налме вер: http://chm.mari-centr.ru.