Самырык этножурналист школын пытартыш кечынже, 6 декабрьыште, Марий Эл Республикысе тўвыра, печать да калык-влакын пашашт шотышто министерствын пресс-секретарьже Иван Земцов дене лекций эртен. Тудо толерантность да тудын дене кылдалтше моло умылымаш-влак нерген материалым пуэн.

Ме Российыште илена. Но мемнан деч посна тыште тыгак вес калыкат илат: руш, татар, чуваш, карел, удмурт да тулеч молат. Чÿчкыдын СМИ-ште уверым колаш лиеш, кунам тÿрлö национальностян еҥ-влак коклаште умылыдымаш, ваштÿкнымаш лийын кая. Тидыже нимынярат сай огыл, да мемнам шонаш таратышаш.

Толерантность - вес семынже чытымаш. Чытымаш лийын кертеш айдеме дек, йÿла ден илыш идеологий, религий да моло декат. Кызыт тиде теме моткоч пÿсын шога, сандене Самырык этножурналист школын программыште тыгай теме улмо пеш сай. Журналист материалым чоҥымо, возымо годым тÿткö да шонен моштышо лийшаш. Ик информацийымак калыклан тÿрлö семын возен, ойлен, ончыктен кертына. Тыгодым кузе тудым лудшо, колыштшо, ончышо умыла? Тиддеч шуко шога. Йоҥылыш умылат гын, лудшын вес, йöршын мöҥгешла шонымаш шочеш. Садлан кöра журналист ÿмбалне пеш кугу ответственность.

Автор: Андрей Кошаев.

• Школа молодого этножурналиста в Республике Марий Эл
• АНО "ИНТЕЛЛЕКТУАЛ"
• НОВОЕ ПОКОЛЕНИЕ
• У ТУКЫМ